Sexualidade

Olá compas, envíovos  convite para  xornada que organizamos.  

Cara o final do acto Carinna pinchará música mentras nos intervimos verbalmente. Si queredes participar so tedes que compartir as vosas frases para que podamos facernos unha idea de cantas imos colaborar, xa que precisamos amoldar a música ao tempo das palabras.

Esperámosvos a todas !!!

Apertas a mares, Cris.

II Xornada ¨Mulleres libres na Matria liberada¨

Por segundo ano as organizacións Adiante e FPG, celebramos unha xeira ao carón do Día da Matria, para entre todas continuar a construír os alicerces da nosa liberdade que, como o noso país, vemos roubada día a día.

A violencia estrutural que aplica o goberno recortando nas nosas necesidades básicas (ensino, sanidade, vivenda, soberanía, identidade…) precisan dunha resposta continuada.

Entendemos imprescindíbel, para o derrubo deste sistema agresor, liberarnos do xugo do patriarcado. De aí a importancia de xuntármonos ao redor das compañeiras e compartir pensamentos, razoamentos, recursos… que contribúan a erixir unha realidade máis xusta para todas.

Desde a FPG convidamos o tecido social, sindical e político que pula pola independencia da nosa nación a II Xornada Mulleres libres na matria liberada, o martes 23 de Xullo a partir das 17:00hs, n'As Dúas, en Compostela.